[娛樂]開騷玩盡出事藝人 詹瑞文寸志雲開大話記招

開騷玩盡出事藝人
詹瑞文寸志雲開大話記招

詹瑞文前晚演出舞台劇《真的等不了》，大講藝人開記者會的特色，指陳志雲的是飄式，陳冠希是收皮式，曹格則是死狗式。現場又播出陳志雲的記者會言論，最後阿詹說：「講大話嘅人永遠唔可以變真人 o架。」

詹瑞文一連八場舞台劇《真的等不了》前晚在演藝學院開鑼，向華強、向佐與女友 Race、 Rosanne等捧場。詹瑞文扮陳志雲出場，還有兩助手扮「 Wonder Bra Girls」，將韓文歌《 Nobody》改成中文詞。
後來阿詹用聲音扮 Steven陳志雲，與扮 Bon Bon崔建邦的演員上演「拆咪雄心」，拆掉面前一堆咪， Bon Bon不停說：「唔好驚唔好亂，唔好放棄。」 Steven就說：「唔好再講，係我講 o架。」又說：「真的假不了，假的 40秒。」然後又串連鍾欣桐、蔡卓妍和陳冠希等開記者會對白，阿詹說：「我真係太天真太儍，藝人係唔可以有自己私隱 o架，我會無限期退出娛樂圈、南極圈同北極圈。」

嘲陳冠希收皮

阿詹在台上強調：「話我報復佢（陳志雲）封殺我冇得上 TVB，家佢冇做，我有冇喺 TVB出現？冇嘛。每個人睇完陳志雲記招都產生唔同嘅情感，我就係『哦』，有啲人係『頂』、『嘩』。」然後他脷講粗口：「有啲人係四個字連埋， x你老味。」阿詹自稱是陳志雲 fans，陳發生事後，沒有驚沒有亂，他說：「我即刻打電話去演藝 book場，做咗呢個騷。」
阿詹直言記者會可令人起或跌，故想教人怎樣開記招，他說：「陳冠希頭耷耷咁，係收皮式。」然後扮曹格摸頭，並謂：「呢個係死狗式，側田唔會咁做，因為佢唔會除帽。」又扮陳志雲走來走去，說：「咁係飄式，似飄飄吓咁行路。唔好學呀，要學就學 tell them you are sick，博人憐憫你，其實啲人反口覆舌開記者會，係要用偽腔表達。」現場又播陳志雲在記者會上的言論，最後阿詹說：「好似童話裏面木偶咁，講大話嘅人永遠唔可以變真人 o架。」事後談到何時獲無綫解封，他說：「呢個係一個謎。」