[港聞]The Best Job in the World絕世筍工男 繼續玩樂( 2010-04-08 )

被譽為「絕世筍工」嘅澳洲大堡礁保育員英國人 Ben Southall做完半年遊山玩水工作，今年轉做昆士蘭旅遊大使，為期一年半，繼續去世界各地宣傳昆士蘭。阿 Ben份「絕世筍工」半年人工 15萬澳元（約 107萬港元），新工卻要減人工，不過做旅遊大使講心唔講金，最可惜係陪佢「孖咇」做保育員嘅女友阿 Bre最近同佢分手，難怪佢要寄情工作。未來一年佢嘅節目好豐富， 5月會去非洲跑全程 89公里嘅 Double Marathon， 7月出賽澳洲黃金海岸馬拉松，明年 2月就划兩個月獨木舟橫越大堡礁南北，全程逾 2,000公里。